فيه الي قرابة ... راح بالزمانات على اربد يتسوق للعيد مع شباب ... و راحوا يشتروا قهوة سادة ... دخلوا على المحل .. و قال قرابتي - الله يذكره بالخير - للبياع ..
قرابتي: بنا قهوة للعيد ...
البياع : قديش بدك
قرابتي: موجها كلامه لواحد من اللي معه : قديش نوخذ
صاحب قرابتي: خذلك 2 كيلوا
قرابتي - للبياع- : حطلك 2 كيلوا
البياع: و بدك بهار للقهوة كمان؟
قرابتي: اه مش غلط
البياع: قديش أحطلك
قرابتي: هاتــلــك برضو 2 كـيـلو
------
و احد راح باع محصول العنب باربد .. و لما رجع على القرية سأله واحد .. بقديش بعت البــكــسة .. رد عليه ... بخمسة (يعني خمس قروش) ..
ثاني يوم راح صاحبنا الثاني يبيع محصول العنب تبعه ... و بـسّــط فيه ... و اجاه واحد سأله: بدي بكسة عنب ... قاله صاحبنا قديش بتدفع بالبكسة .. حكاله: ست قروش .... رد عليه صاحبنا:
تـشـتـه - مــتــه ما بعرف ... ادفع خمسة و شيل
(chitteh mitteh)
------
و القصة الأخيرة .. صارت للأسف مع كمان واحد قرابتي - أخو قرابتي الأول ...
بعد ما غاب يوم عن البلد سأله واحد و ين كنت مبارح .. رد عليه قرابتي .. والله نزلت على اربد أقطع هوية .. سأله .. آآآه ان شاء الله قطعت ... رد عليه قرابتي: لا والله .. لقيتها الجمعه هناك
------
عذرا للاطالة .. هذه أمثله حية سقتها لحوادث حصلت في زمن مضى عليه ثلاثون سنة وأكثر !!
في زمن مضى كان مجتمع المدينة ينظر الى مجتمع القرية على أنه يعيش حياة فيها نوع من التخلف .. و قلة العلم .. و قلة الاختلاط بالثقافات الأخرى .. و البعد عن مظاهر الحياة المترفة .. و الجهل بالتعامل مع مستجدات الحياة
هذه الصورة النمطية للقرية .. ما زالت في ذهن البعض ... اذ ما زال البعض ينظر الى أي قادم من القرية بأنه تنقصه خبرات معينة : بعرفش يستعمل الشوكة ... بعرفش يتعامل مع البنات ... بعرفش يطلب أكل بالمطعم .... بعرفش الهمبرغر من الشاورما .. والى غير ذلك
أنا أتيت من قرية .. وكانت في يوم من الأيام قرية نائية .. لذلك يضايقني كثيرا أن أسمع مثل هذه الصورة في زمن أصبحت فيه وسائل الاتصال أرخص من الخبز .. وما يضايقني أكثر .. اني عشت حياة - وان كانت عادية - لكنها مغايرة لتلك الصورة النمطية .. وذلك كون والدي متعلما ... و على سبيل المثال .. كان في بيتنا اسطوانات فونو قراف لأم كلثوم .. و كاميرا تصوير ملونة قبل أن يسمع نصف سكان اربد و عمان بهذه الأشاء
-------
الصورة لدار جدي (؟؟18 - 1944 ) الله يرحمه
-------
9 comments:
مواضيعك شيقة وواقعية ونقاش مبني بصورة حلوة ... ولووووووووووول على الي راح ولاقها الجمعة بإربد .. ليه يعني الايام عندو مو متساوية ؟؟ههههههههههههههه.. تحشيش ..
بس الصورة الي مبنية عن اهل القرية غلط .. الصراحةانو انا عندي صاحبات ساكنات بالقرية بسمعهم بحكو بحسهم انو كتير مبسوطات .. وبيعرفو كل شي .. وبياكلو برا وبعملو وبسو.. بس مجتمعهم صغير والكل بعرف الكل هادا السبب الي بحاسبو كتير على حركاتهم وهوالبنت تحاسب على حركاتها احسن .. وانا بالنسبة الي ما بلاقي انو سكان القرية ناس مو متعلمين بالعكس واشطر من الناس العايشين بالمدن :: مو بالضرورة:: مع انو في منهم حكولي انو الكهربا احيانا بتقطع بالليل .. والله الناس مو بالمكان الناس بالعقول وبالتصرفات ..والتحضر مو الموبايل الي بكاميرا التحضر بالفهم
:: فنجان قهوة فيه فنجان بهارات :) ::
two posts in two days!!! ايـه شـو هالنعيـم
انـا عجبتنـي قصـة نهار الجمعـة كمـان..هيـدا البيـت بعـدو مـوجـود؟
لـو اهـل القـرية ما بيعرفوا يتعاملـو مـع البنـات مـا كـانت كبـرت القـريـة
yeah,we have come so far and ignorance still exist.. I find that people who come from small towns and villages have more appreciation and respect for life,they don't take it as granted like in the big cities.. May be because of this I find them to be more content..:)
Awaln 3al ara2y noura ktheer haich, la net3awad, el mohim it is nice to see you with this spirit again, at least for me....
you remind me with those days when we used to recall stories from old days and the best in my mind is the contraception one... met thaket abu yazan o solafet el 7amam el franjy lol
ba3dian enty ma kontesh tokel el roz bel shokah be ma63am 6ahran ma3 mawlana
ma 3aliana, memories are all illusions....
ama 3alek garayeb :P
يا هلا براء ... نورت السيرفر كله .. مش بس الويب سايت
مزبوط كلامك الكهربا بتقطع كثير .. و المواصلات بتقطع كمان للي ما عنده سيارة .. مثل حالتي أو اللي سيارته مترتره يعني خربانه عايفه التنك
وعلى فكرة زمان كانت كل ما تنقطع الكهربا أهل قريتنا كانوا يسبوا على أبوي ... لأنه كان مشغل مولدات كهربا و يضوي عليهم .. يعني وصللهم الكهربا قبل الحكومة ما تفطنلهم
لوووووووووووووول نورا :->
فهمتيني غلط .. يعني قصدي لما الشب يتعامل مع بنت بكون دفش كثير .. وكنا دايما نعمل نكت على هالموضوع
والله أنا اللي بنعيم أنه أحضى بهالملاحظات الحلوة يومين ورى بعض .. 100 ورده والله
و البيت بعده موجود مثل ما هوه بالصورة .. والصورة حديثه من العام الماضي .. واذا حابه تتعرفي على قريتنا .. تفضلي : بس ما تحكي لحدا -
http://users.encs.concordia.ca/~amjad/zoubia/index.html
و هون فيه طحشة صور
http://users.encs.concordia.ca/~amjad/zoubia/gallery.html
أهلا عماد
كيفك ...
والله البوم أبو يزن عزمني على ملوخية خضرا .. فرش ... من ايدين أختك أم يزن .. وأكيد كنا بسيرتك طول القعده
I owe you more than just a pm and a call :-) bass wallah il nafsyee ta3baneh ya garabeh
والله و أهلين لبنى ... شفتي قرايبي :-)
فرجه ..
هذول اللي راحوا على أربد .. كيف لو أحكيلك عن اللي راحوا على عمان :-)
ولا مسلسل أم البساتين
Post a Comment