قريبا ستدعو احدى المؤسسات الحكومية أو .. اللجان النيابية ... أو احدى الجمعيات الانسانية .. أو ربما مركز حماية الأسرة .. أو تنظيم النسل الى "حملة تلقيط" .. ليس تلقيط زيتون ... و لا تلقيط تين ... بل تلقيط أطفال .... أطفال يقال عنهم غير شرعيون .. أو لقطاء ... و تحتار لو سئلت أي التسميـتـيـن أسوأ ولا بد أن تجوب الحملة جميع ضواحي العاصمة .. و بعض المدن .... و احدى القرى ... و سيلبس المتطوعون قمصانا كتب عليها شعارات مثل "من أجل حماية الطفولة" .. "من أجل مستقبل الأطفال" .. "الأطفال جيل المستقبل" .. "ما ذنب هؤلاء" ... و سيدفع الشاركون مقابل القمصان ثمنا أكثر مما تستحق .. ليذهب ريعة لدعم "شلل الأطفال".
أنا بدوري ... ساقوم بحملة مضادة .. وأدعوا الأطفال ممن هم دون سن العاشرة .. لتنظيم حملة تلقيط مضادة .. تلقيط آباء غير شرعيين .. وأمهات لقيطات .. وأن يذهب ريع الحملة لدعم " شلل الأخلاق".
يا عالم ... المشكلة ليست في الطفل حتى ندعوه "ابن حرام" .. أو "ابنة شوارع" .. أو نروج لأجهاضه قبل أن يصبح حتى طفلا ... المشكله في "آباء الحرام" و "أمهات الشوارع"
31 comments:
of course it's not the innocent baby's fault to pay for the mistake and the sin that his parents committed. They are the ones who are completely responsible for what they did and must pay for it!
It breaks my heart every time I read in the newspaper about a newly born baby found thrown in the streets. sadly it's happening quite often nowadays.
Lack of morals and religion always leads to catastrophes like these. Allahoma 3afena
I RESPECT your post, and thoughts in it.
I hate when they title the resulting babies instead of titling the responsible causers.
فعلا كلامك صحيح، والله شي بيحرق القلب، شو ذنب الاطفال يتعاقبوا بفعلة آبائهم وامهاتهم؟ بس كمان شو ذنب هدول بفعل المجتمع؟ المشكلة اكبر بكتير، المشكلة انو من وين هالشباب بدها تلاقي لتتزوج؟ كل واحد بيطلب مهر اكتر من التاني، واللي مش هيك، بيكون من طبقة ارستقراطية بيطلعلو يعمل اي شي بدون ما يفكر بعواقب الامور، الله يسترنا من الجاي
هو انت ما دريت
كمان شوي بدو يسير عندنا قوات مارينز متل امريكا
diana:
it is becoming more acceptable by many people ..
شو بنا نعمللهم ... مش لاقيين ظروف حياتهن ....
Lubna
we always accuse the wrong person .. and start solving the problem from there.
roalaj
كلامك مزبوط .. هذول فيه منهم مظلومين بسبب المجتمع و الظروف الاقتصادية ... يعني لو كانت قادرة ممكن تسافر أي مكان و تعمل عملية اجهاض ... بس كمان احنا عندنا خطوط حمراء .. أشياء مش ممكن نقبل نعملها .. أو حتى نتقبل انها تكون عادية ..
والله يسترنا من اللي جاي زي ما حكيتي
3a6ooor
Loooooooooool
احنا ناقصين مارينز كمان .. طيب يعلولنا بحر بالأول بعدين و يجيبوا مارينز قد ما بدهم
شو بدو الواحد يحكي !! إنه مهما وععوا الناس بضل في ناس ما بتستوعب ...و بيفكروا الشي هادا سهل ..
زي المثل :: بما معناه .....
"الكبار بياكلوا حصرم و الصغار بيضرسوا"
..
الله بيعين
razan
خلينا نصحح المثل
الآباء بوكلوا عنب مستوي ... و الأبناء بوكلوا ......
صار آخر هم الناس يشبعوا نزواتهم .. بغض النظر شو ممكن يصير بعدين
After reading this, a line of poetry came to mind but I only remember the second half of it,I hope u know it and can recall the second part :
أمـا اليتيـم مـن لـه أمـا تخلـت و
أبـا مشغـولا
I don't know why kids in our part of the world are not seen of value at all..they are failing to see them as the future..
ما فهمتها قصة البحر
؟؟؟؟؟؟؟؟
يا جماعة
صح الخطأ بقع على عاتق الشب و البنت اللي عملوا الحرام
بس خلينا نسأل حالنا ليش عملوا الحرام؟ مع ملاحظة إنو ما في ظرف في الدنيا بسمح أو ببرر هالخطأ الكبير اللي وقعوا فيه . ليش ما بزوجوا ؟؟؟؟
سن الزواج للذكور في الأردن قبل آخر موجة رفع الأسعار 28 و بعد الرفع االله أعلم رح كم يصير ؟؟؟
و كم رح يلاقوا أطفال لقطاء؟؟؟
نسأل الله العافية
Noura:
شكله هيك بحكي:
إن اليتيم هو الذي تلقى له
أما تخلت أو أبا مشغولا
أنا أصلا بعترض على اطلاق مسميات على أطفال ما شافوا الضو .. يا ريت يحكوا ايتام أو مساكين
36oor
يا طبره ... المارينز .. همه مشاة البحرية ... يعني بكونوا أصحاب عمليات عسكرية عن طريق البحر .. هيك معنى التسمية ...بس صاروا يستعملوا الطيارات بالاضافة للمركبات البحرية .. يعني مشان يكون عندك مارينز .. لازم يكون عندك بحر ..
بس انته نيتك عاطله .. :-)
اربديّ الهوى .. حوراني
أني من اربد كمان
:-)
أول أشي أهلا و سهلا فيك هون .. و بتشرفنا ... و اذا الك مدونه مش غلط تحطلنا الرابط مشان نشوف شو عندك
انته سألت و جاوبت ... ما دام ما فيه اشي ببرر نعمل هيك .. و قاعدين بنشوف انها صارت أشياء عادية .. معناها أحنا .. كمجتمع عندنا أزمة أخلاق .. و احنا بنتغطى بقشور ضعيفة .. بتتكسر مع أول أزمة و بنظهر على حقيقتنا
السبب واضح .... بندعس على بنزين الأسعار .. و شلنا رجلينا عن بريك الأخلاق ... و ماشيين بطريق مثل نزول الغور .. فأكيد راح نهوّر
هههههههههههههههه
ايوه فهمت بس كأني قرأتها يعلولنا اياه يعني يصبولهم فيه كمن جلن زياده
وكل اللي بعرفو عن المارينز انهم جماعه لقوهم بالحاويات وورى المكاتب
يعطيك العافية أمجد على هالبوست
يمكن هية ظاهرة مش جديدة بس الترويج اجى جديد
يمكن ما تسلطت الأضواء عليها بصفتنا بلد محافظة وما عنا لا ولاد حرام ولا بنات شوارع ... أو هيك إحنا كنا مفكرين??!!
أو يمكن صار بدنا نعمل زي اللي شاف مصيبة غيره بتهون عليه مصيبته ويصير ارتفاع كل شي بهالدنيا شمل معاه ارتفاع الاطفال غير الشرعيين وما يتبع هذه الظاهرة من حملات ومسيرات
وهيك عنجد لا بصير عنا دم ولا حس وبصير كلشي عااادي
والا فكرك امجد كيف بدنا ننسى ؟؟
كل التحية لك وشكرا على السؤال وسترى الجديد مني قريبا :)
أم المييس
36oor
لووووووووول
كيف بدهم يعلوا البحر؟ اقرا على توجيهيك و دشرك من هالسوالف
:-) ... بنكش مخاتي عليك طبعا .. عارفك قرفان هالسيرة
Am ilElmees
يعني بالزبط مثل شغلة رفع الأسعار .. بظلوا يحكوا عن رفع الأسعار لحد الناس ما تزهق السيرة بعدين برفعوا الأسعار
و يالله شدي حيلك
مالي عرفان شو بدي اكتب حاسس حالي الي دهر ما كتب تعليق ههههه
انت انسان فهمان يا امجد ... انا معك بهادا الشي ,,, الاهل بخبصو والحزين بيعلق معو هالاسم طول العمر .. ليه؟؟ شو زنبو؟؟ انا ما سمعت فيها هاي الحملة .. بس صراحة هون بهالبلد؟؟ الحملة سارية المفعول على كل شي بالشارع ممكن تلتقطو ...الاخلاق اختفت خلص ... نسبة الشباب الي بعزفو عن الزواج ارتفعت .. كلو واصلهم لشو يلتزم يعني ويتعب جيبتو ودماغو ؟؟ للأسف الاخلاق لما تاخد غفوة .. كل شي تاني بيصحى .. الامراض العاهات الالام الاطفال المشردة الكل بيصحى .. جد الله يصبرنا على الايام الي حتيجي ... وللأسف كل سنة الاخلاق بتاخد منوم اقوى من الي قبلو ..
::انا شخصيا حشارك بحملتك واعمل حملة اخرى اسمها حملة تلقيط البساطير القديمة من المزابل وزتها بأبعد فجوة بالارض عشان ما توصللها انت :) ::
Qabbani
بكفي مرورك من هون .. بتنور دايما خيوه :-)
ٍSweetlikeafallingsnow
يا أهلا والله الحمد الله على السلامة
شكرا كلك زوق ... خجلتيني ..
قديش بدك تلمي بساطير لا تلمي ... معبية المزابل .. والمزابل معبية الدنيا
:-)
نورتي .. وابقي طلي
Hi Amjad, sorry out of the topic, but I read your comment on Noura's blog and I'm interested in the PDF books you have for Gibran, if you can send me one by email I would really appreciate it.
would you please send me one of your choice at
mohammad.alsele@gmail.com
thank you.
shokran ya garaba :) 4 is too much I'm a very lazy reader. thanks again.
كلام رائع .. فعلاً المشكلة في آباء الحرام وليس أولاد الحرام
إن اللقيط لا يُعيّر بذلك إلّا ازدراءً لأبواه عراة الأخلاق
وهذه المشكلة هي مُجرّد عرض لداء متأصّل في المجتمع .. إن لم يتم استئصال هذا الداء من جذوره فإن مجتمعنا سيصبح كالمجتمع الفرنسي الآن .. نصفه أبناء حرام والنصف الآخر مستاء من العلاقات الشرعية
هو انت بعدك بتلقط؟؟؟
يزم روح شوفلك شغله غيرها افيدلك
متلا....
نضف بسطارك
Sel3:
you are welcome .. i hope you enjoyed reading them.
Muslim4 :
شكرا لزيارتك ... أثني على كلامك .. زأزيد أنه اذا لم يتم استئصال هذا الداء .. فيصبح مجتمعنا أسوأ مما ذكرت .. لأن الأخلاق و لدين هي فقط ما تبقي مجتمعنا فاذا هاي راحت كفك علينا
36ooor:
أهلا و سهلا .. نورتنا
و زي ما بحكيلك الدكنجي: سبعك
Post a Comment