الى الأخت العزيزة نــورا .. التي كلما همت بالذهاب الى لبنان تــُـقرع طبول الحرب فيها ... و التي تأبى أن تستقبلها بيروت الا بالحواجز و الاطارات المشتعله .. و الشوارع المغلقة .. و الميليشيات المسلحة ... هذه المظاهر التي ظن الجميع أنها جزءا من الذاكرة .. لنكتشف اليوم أنها جزء من عقيدة الصراعات العمياء على السلطة
نتمنى عودتك سالمة ... و أتمنى أن أكون مخطئا في تعليقي على موضوعك الأخير .. وأن تكون بيروت الــ 2008 لا تشبه بيروت الـــ1987
14 comments:
سطور النار يا بيروت في تاريخ لبنان
من السفاح يا بيروت والجلاد والجاني
..........
قلبي على نورا أيضاً وان شاء الله تكون بخير ولما علمت انها ستأتي الى بيروت قلت لها أتمنى أن يبقى الوضع جيداً ولا أدري لماذا قلت لها كأن لدي احساس بأن مكروهاً سيحصل للبنان أو بسبب اعلان الاضراب في 7 أيار وهذا الاضراب أصبح مؤخراً يتحول الى فوضى وشغب للوصول الى هدف سياسي عجزوا عن احقاقه بطريقة سلمية.. ولم أتوقع ان تتطور الامور الى هذا الحد من السوء
المطار مغلق وبيروت محاصرة وأسيرة من قبل حزب الله حتى تتراجع الحكومة اللبنانية عن قراراتها والشعب اللبناني ما ذنبه بكل ما يجري خائف ومرعوب
كان الله في عون نورا وعوننا نحن اللبنانيون الذي عانى وما زال يقاسى الكثير من المحن والعذاب بسبب السياسيين الذين يفكرون بالكراسي قبل مصلحة الوطن
دعواتكم لنا
آمين
عمـــاد
والله طاسه و ضايعه و ما حدا عارف راسه من اجريييه (زي ما بنحكي)
mona
الأخت منى .. شكرا لمرورك .. و كان الحق أن أذهب الى مدونتك للذهاب عنك ...
لم أقحم نفسي بالتعقيدات السياسية ,, لم أتحدث عن أسباب و نتائج ما حصل و سيحصل, فالجميع محقوق و الجميع خسران
ان شاء الله تصل الأمور الى التهدئة و يعود الوضع الى ما كان عليه ...
Sel3
الله يسمع منك
كل اليوم افكر فيها
و اقول يا رب يا نورا تكوني بخير و كل الناس بخير
مع انه مش الكل بخير
بس بتمنى يتوقف العد لهون
و اتمنى اتطمن على نورا
كانت مبسوطة انها رايحة
يا رب ترجع بالسلامة
شكرا امجد يا ابو قلب طيب على الموضوع
مرحبا
أنا دكاكين و أنت سوالف دكاكين
ما نكون قرايب و أحنا مش عارفين
أهلين أبو العم
malage6
أكيد أنا هون بحكي عن نورا بس انا قصدي بالموضوع كل لبنان و اللبنانين
ان شاء الله تهدا الأمور .. و يا عمي خلينا عالعصيان المدني بنص بيروت
:-)
السيد دوكنجي
أكيد احنا بالأخير قرايب .. و جيران
مدونتك جميله و تحتوي على مواضيع متنوعة كثير .. و انا مسرور بزيارتك
على فكرة أنا بحب أغير اسم المدونه كل فترة .. بس بحب أنقي أسماء على كيف الدوكنجية
سلام ....
أمجد شكرا على كلامك ... بجد إنت رائع ..
إن شاء الله نورا بترجع بالسلامة .. و الله يهدي الوضع ....
حسبنا الله و نعم الوكيل
الله يكون بعون الكل
بجد الوضع... نسبة كبيرة من المآسي الاحزان
وين ما اتطلعنا
ومركز الغزو والدمار كله هون
طبعا لازم ندفع ضريبة... كون موقعنا بنص العالم!
الله يرجعها بالسلامة ويهدي الاحوال,
مع انها اول شي كانت مترددة انها تروح او لأ.
inshallah btirja3 lebanon a7la min awal , its such a loss to destroy a country full of life and have the spirit of fun and joy ..
hope noura comes back salmeh ..
الله يرجعها بالسلامة
ويسلم كل لبنان بجنوبها وشمالها وجبالها ووديانها واناسها
والله الكل جاري ورا مصلحته ما حدا متبهدل الا الناس البسيطه الله يعين العباد على العقول المتحجره
أولا بعتذر عن التأخر بالرد .. الي كم يوم ما اجيت عالبلوق
vagueraz
يا هلا رزان .. و شكرا .. أقل شئ ممكن الواحد يعمله للأخت نورا .. و كل لبنان ان شاء الله بظل سالم .. الله يستر لبنان و المنطقة كلها من اللي بصير
eNAS
والله انا بحكي عن نورا بس أكيد قصدي كل لبنان .. لأنه الأخت نورا واحد من الأشياء الي بتمثل الوجه الجميل للبنان
ĐàŋdŎöŅёH
ان شاء الله يرجع بس زي ما كان قبل شوي .. والله خوفي الأمور بتسير للأسوأ بكل المنطقه
وينك انتي ما الك نشاطات هالأيام
nana
آمين يا رب ..
على راي نزار قباني .. ومن رأى السم لا يشقى كمن شربا
احنا بنحكي من وسع بس انتوا جربتوا الحرب و جربتوا بلاويها
سوزان
كلامك بنطبق على كل بلدان المنطقة .. بس بتسد بصورة أوضح بلبنان .. لأنها فيها طوائف سياسية و دينية كثيرة .. مصالح و شللية بس عى مستوى سياسي عالي
لا يسعنا القول سوى الحمدلله على سلامة أختي نورا بالرغم ما واجهنا في بيروت من خوف ورعب شديد ونشكر الله
ونأمل ان يكون اتفاق الدوحة خاتمة الحروب
وشكراً لك أمجد على الاهتمام الطيب
ودمتم بخير
Post a Comment